ائلیمیزین آجیان یاراسی - مهندس محمدرضا کریمی

نام اثر: ائلیمیزین آجیان یاراسی؛ (شرح زندگي و آثار دكتر صديق)

مؤلف:محمدرضا کریمی

DOWNLOAD

دانلود کتاب ائلیمیزین آجیان یاراسی در شرح زندگی دکتر حسین محمدزاده صدیق اثر محمدرضا باغبان کریمی

مقدمه و ابتدای کتاب....

ائلیمین آجیان یاراسیام من
ال قوی نبضیمه گؤر هاراسیام من
پارچالانمیش قلبین پاراسیام من
هردونا گیرسمده یئنه دوزگونم
بو آدیله حقیم واردیر ئویونم

حسین صدیق (دوزگون)

 

بو کتابی من دوکتور حسین محمدزاده صدیق (دوزگون)ون یوزلر شاگردینه تقدیم ائدیرم کی دونیانین هریئرینده واردیلار و اونون مقدس آرمانلاریندان وآذربایجان وارلیغیندان دفاع ائدیرلر.

م. کریمی


اؤن سؤز

«ائليميزين آجيان ياراسي» 1377 اينجي ايلده زنگاندا چاپ اولدو. بو اثر بو نوع اثرلرين بيرينجي نمونه‌سي ايدي و آز بير زاماندا اوخوجولارين آلقيشلاريلا اوز-اوزه گليب آلقیشلاندي. ايندي تقديم ائتديگيم يئني چاپدا نئچه بؤلوم اونا آرتيريلميشدير. بو دؤرد ايل عرضينده حؤرمتلي عاليم ساكيت اوتورماميش، يئنه‌ده تازا اثرلر ياراديب، ائليميزه تقديم ائتميشدير. بورادا بونلاردان آد آپارماماق اولماز. بوندان علاوه ”ائليميزين آجيان ياراسي“ كيتابي عاليمين حاققيندا اثرلر يازماق اوچون يول آچدي. بير آز كئچمه‌دن حؤرمتلي گنج يازيچي‌ميز «بهروز ايماني» عاليمين شعر دفترلريني آراشديريب «سؤز سوراغيندا» اثريني اوخوجولارا چاتديردي. آقاي «رضا همراز» آيري گنج يازيجي و قلم صاحيبي «گوللر آچاجاق» عنوانلي اثريني عاليم اوچون حصر ائتميش و اونون سئچيلميش شعرلريني‌ده توپلاميشدير. آقاي «ص. ائل اوغلو» دا يئنه‌ده عاليمين شعرلري آراسيندان‌سئچمه‌لر سئچيب،«بير بؤلوك دورنا»آدلانديردي و تحليلي مقاله يازدي.

بو نئچه ايل ايچينده «قارامجموعه»‌نين نشري عاليمين ده‌يه‌رلي ايشلريندن ساييليركي سس-كويسوز اولمادي. بونون اوچون مختلف مقاله‌لر مختلف درگي‌لرده چيخدي و «پيك آذر» درگي‌سي‌ بير ساييسيني دوكتوره و اونون قارامجموعه اثرينه اختصاص وئردي. بيرده‌كي «گلشن‌راز شبستري» آدلي چوخ قيمتلي بير كتابي چيخدي. بو ايللرده عاليم، نئچه نئچه دانيشيقلار آپاردي، بيليم يوردلاريندا يورولمادان چاليشميش و يئني نائليت‌لر الده ائتميشدير. «قارامجموعه»دن سونرا محمد صادق نائبي اونون سؤزلويونوده حاضيرلاييب چاپا تاپشيردي. اميد نيايش «دؤكتور صديق و هويت آذربايجان» آدلي اثري تقديم ائتدي. عاليمين غئيرتلي اوغلو «ائلدار»، «مصاحبه‌هاي علمي پدرم» اثري بازارا وئردي. دؤردونجو غئيرتلي اوغلو «ستار» ايسه «قارامجموعه و چالش‌هاي علمي» اثريني حاضيرلاييب نشر ائتديردي. آقاي امير چهره گشا تبريزده «دوكتور صديق و اونون ياراديجيليغي» آدلي كتاب چاپ ائله‌دي. خانم ليلا حيدري «فرجام طرح بنياد آذربايجان‌شناسي» آديندا علمي بير اثر نشر ائتديردي. بيلديگيم خبرلره گؤره نئچه يازيچيميز او جمله‌دن آقاي «عزيز محسني» اوستادين اثرلري آراشديرماسينا مشغولدولار و ياخين گله‌جكده اؤز اثرلريني ائليميزه تقديم ائده‌جك‌لر. بئله‌ليكله اوستادي تانيما و اونون اثرلريني آراشديرما اوچون يول آچيليب و گونو-گوندن بو يول گئده‌لي اولوب، عاليم اوچون بير گورولتولوميللي سويه‌سينده قورولتاي قورماق، يازيچيلاريميزين چيگينلرينده آغيرليق ائدير. عاليمدن تجليل ائتمك، ملتيميزين وارليغيندان حمايه ائتمك معناسيندادير. من‌ده بو كيچيك هديه‌ني – وظيفه‌مي اؤده‌ييم دئيه-ايران تورك‌لري‌نين غئيرتلي گنجلرينه و ديرچه‌لن ميللي حركتيميزده چاليشانلارا سونورام.

م. کریمی – 03/11/1381

 

 

نوشتن دیدگاه


تصویر امنیتی
تصویر امنیتی جدید