دوزگون اوستادیم (شعر) - محمد سبحانی

دوزگون اوستاديم

سئير ائديب هرياني گؤروب ائللري،
معرفت بحرينه چاتيب اوستاديم.
دوز يولدا چاليشيب دوزگون ياشاييب،
ائله سانمايين كي ياتيب، اوستاديم.
* * * 
شُهرتي ياييليب اوبايا ائله،
اوجاليب گؤيلره قوشولوب يئله.
بيليك كمريني باغلاييب بئله،
بو فاني دونياني آتيب اوستاديم.
* * * 
«محمد» تعريف ياز گؤزل ايرانا،
دشمنه جواب وئر مردي مردانا.
ايندي اعلان ائله بوتون جهانا،
جانين حق يولوندا ساتيب اوستاديم.

نوشتن دیدگاه


تصویر امنیتی
تصویر امنیتی جدید