سردار (شعر) - جعفر اسماعیلزاده ائلجان

سردار

سربازي سنگرده هويلايان نامرد،
ايندي گليب سني هويلايير، سردار!
بو حقيقتي بيلمير لاكين او غافيل،
سنين يوز مينلرجه فدائين‌ده وار.

سنين علمين دريا، بيليگين چوخدور،
سنين كيمي بوردا بيليجي يوخدور.
سؤزلرين دوشمنين گؤزونه اوخدور،
سنين بدخواهيندان اولموشام بيزار.

«قارا مجموعه»ني چكه‌رك اوزه،
يالتاقلاري بير- بير گتيردين ديزه.
«ائلجان» دئيير:«ناكس چيخسادا دوزه،
وئرمه بها اونون هايينا سردار!»

نوشتن دیدگاه


تصویر امنیتی
تصویر امنیتی جدید