سنه مندن سلام اولسون - حسین آغیارلی

سنه مندن سلام اولسون

ایلك مكتب معلمیم، بیرینجی كلاس دا منه یازماق، یانماق و یاشامان اؤیره‌دن استادیم، دكتر حسین محمدزاده صدیق (دوزگون) حضرتلرینه اتحاف:

 

یازیلسین قوی كؤنول‌لرده، سنه مندن سلام اولسون،

آل الوان گول چیچك‌لردن وجودون شادكام اولسون.

نئچه ایلدن سورا من اولموشام بیر ساقی‌یه محتاج،

اؤزومده ساقی ‌تك یوروقون، قلملر الده جام اولسون.

گؤتور پیمانه‌نی ساقی، دولاندیر گل بو مجلسده،

بو دوزگون عالمینده دوزگونه شن احترام اولسون.

منه گون‌ تك نمایاندیر یادیمدان چیخماسان هرگز،

اوزو فاخرلی تاریخ‌دیر، حیاتی پردوام اولسون.

مین اوچ یوز قیرخ اوچو هیچ‌ واقت یادیمدان قویمارام چیخسین،

منه درس اؤیره‌دیب اوستاد شعریمده قیام اولسون.

قوتار بو شعری آغیارلی یانان شمع‌لر گوناهسیزدیر،

اوره‌ك سازلا دیله گلسین چالان سازدا كلام اولسون.

نوشتن دیدگاه


تصویر امنیتی
تصویر امنیتی جدید