فتبارک (شعر) بختیار خسروشاهی

 

 

 

 

تاری «ائل نیسگیلی» نی دویدو بیزه ایمدادا گلدیز

 دیبه رین دۆز داغیدان چاغدا یئتیشدیز دادا گلدیز

او کی ائل دردینه جان قویدو اونا دام دایاغ اولدوز

ائله درد آرتیرانین اورتاسینا داغ سایاغ اولدوز

یتیمین زۆلفۆنه آلتون داراغ اولدوز

گئجه گۆندۆز اویاغ اولدوز

چوخوگلمیشدی ائلین دردینه درماندا دایاندی

ساغ اولا دردیله درمان دادا  یاندی

وای اونا دؤندۆ اؤزۆن  داندی دا یاندی

بویانیب! گؤردۆ تالاندی یول اویاندی

اودا یاندی بودا یاندی

بئله اولدو یول اوزاندی

               بلی ائلسیزیول آزاندی.

تاری قوربانی ! سیزی بؤیله گۆنه ساخلا میش ایدی            

 کؤکۆمۆز لاخلامیش ایدی

پهلوی تک شووونیست "محو اولوزو" هاخلامیش ایدی

 اولوسو قاخلامیش ایدی

هۆشۆ اویکویلا بتر تاخلامیش ایدی                            

 قولاغین شاخلامیش ایدی

سوسایان باغلارا چــای اوخشاریلاشدوز

نئجه داغلاردان آراشدوز

زیل ایمیغدا بئله دۆز آی نورولاشدوز

گئجه ظۆلماتلا ساواشدوز

ائله دۆز؛گۆن یولو آچدوز

ائله دۆزگۆن یولو آچدوز!

 

دۆزگۆن ای دۆزلۆگه معنا     

یولو دۆز دۆزله ره آرخا    

گۆنش ایز ظۆلماتا یغما   

اوجا بوی قاف انی عنقا

 تک آغاجلی سینه سینا      

 قلمۆز موسی عصاسی یارا دریا

یادا ابراهیم الینده بوتو سیندیرماغا بالتا  

همن اول بالتا کی خضرۆن گمی دلمیشدی ها اوندا  !

سیز آغیرلیقدا یۆکۆ آخ نئجه چکسین بئله دۆنیا

ایشی اوددا ، اؤزۆ عدنا

 نفسۆز میثلی مسیحا 

همی سئوگی همی سئودا

سیرداشیزدیرعلی مولا

یازیغ اول کیمسه کی ایستیر سیزی بوردا ائده حاشا

شۆکر اولا تانرییا چاددیق سیزه بوردا-

ایلقاریم واریدیر اوردا

 

بؤیۆک انسانه مثلدیر سؤله یرلر کی نهنگ

سیزه اقیانوسا تای مینجه نهنگین جانی بند

واه واه اودلاندی جانیم باخ بو کؤزه سن !

بو دگیل سؤز بو کؤزردن :  

نئجه گۆن گؤرمه میش اؤز حۆسنۆنۆ باتسین؟

کدره نیسگیله باتسین

ائلی  دۆز،گۆن گؤزۆ قویسون باشینی غفلته یاتسین!.

دئنه البتته گۆنۆن دۆزاؤزۆ سنسن

ائله حۆسنۆن دۆشه جک شکلیوی دۆزگۆن گؤره جکسن

یتیمین زۆلفۆنۆ آچدین هؤره جکسن

گؤره جکسن ! گؤره جکسن

گؤیۆ دویدوزکی شافاقلاندی دؤنۆب رنگی بنؤوشه

گۆنئشۆزآچما دادیربیتسین هؤیۆشنه

 

گؤزه لیم ! آی دلی کؤنلۆم نه سئوردن دولو کانیم

ائلیمیزان بویو تام وارلیقی آی، دینله ایمانیم

داماریمدا گه زنیم قیزدیرانیم روحو دویانیم

اۆرگیم چیرپینیسی جان جیجیسی شمس زمانیم

منی آغریندا دوغانیم

دیله گین باغلارینی باغ باغ آچانیم

دیلیمین دیرلیگی اۆستۆنده  گزه ن  قوشما قوشانیم

گؤزآچانیم دا  باخانیم دا  یومانیم

اولوسون بایرامی بایلار بایی تام توملو موبارک

فتبارک... فتبارک... فتبارک...

 

هاوار اولدوز تاریدان ائل له  گؤزل  اؤلکه میزه

گمی اوخشاری دنیز،نوحوم اۆزۆر کؤنده مۆزه

گؤرۆم عؤمرۆزده اولا نوح عؤمۆر اون  یۆزایلۆزه

یاشاسین  تۆرک ائلی چاتسین هامیلیق جشنیمیزه           

 کاووشاق اصلیمیزه

ائلی گؤیچک دیلی بال تک هامی بیر لیکده دئیه ک

فتبارک... فتبارک... فتبارک ...

 

 

 

 

نوشتن دیدگاه


تصویر امنیتی
تصویر امنیتی جدید