اونوتمام سنی (شعر) - عبدالعلی مجازی

دكتر حسین محمّدزاده صدیق دوزگون جنابلاری‌نین«اونوتما منی» هارایینا بیر سس.                   

اونوتمام سنی

 ای ائـلیـن  آرزوسـو،  دیلگـی، ســؤزو

ای یاتـان خـالقـیمین، اوْ  آییق گـؤزو

ای شن مجـلیسلرین، دادی، هم  دوزو

ای گـؤزل اینسـانیـم، اونوتمـام سنـی

ای بـاهـاریـن یـازیـن گولو، بولبولـو

فعله‌نین كندلی‌نین بـوغـدا، سونبولـو

ای تـامام یوْلـلاری انـقــلاب یــوْلـو

ایگـید قـهرمـانیـم، اونـوتمـام سنـی

ای وطـن اوغـروندا چـالیشـان اوْغـول

ای وركــدن یـانـان، آلیشـان اوْغـول

ای وقـارلـی آتـا، عـالی‌شـأن اوْغــول

عـزیـز مـهربـانیـم، اونـوتمـام سـنـی

ای ائـلین شـوكتین اوجـالدان اوستاد

ای اؤزون بـو یـوْلدا قوْجـالدان اوستاد

فایدالانان, آن دان- ماجالدان اوسـتاد

خوْجام،‌ قـوْجـامانیم،‌ اونـوتمـام سنی

ای اومـودسـوزلاری وجـده یئـتیـرن

ای«دوزگون» دانیشان دوز یولا گیرن

ای‌ «آسلان»ی  داغدان شهره گتیرن

ای دیلیم،‌ دیلمانـیم،‌ اونـوتمـام سنی

 

                                                                              

نوشتن دیدگاه


تصویر امنیتی
تصویر امنیتی جدید